【心術得正】－ 你為什麼買股票？

想法–>思考–>決定–>行動。這是每個人做每件事必然經過既過程－當然包括買股票。

買股票背後的原因我相信都好多人都是一樣－賺錢。如果你跟別人說你買股票不是賺錢既話，別人甚至可能覺得你好奇怪或者有點“自命清高“。但係大部分散戶長期係股市裡面賺唔到既原因，就係因為心態擺得唔正。無正確既心態，就唔會有正確既思路，咁只會做出一啲錯誤既決定同行動。所有成功既交易操作都建基於正確既心態上。

正確既心態好難可以係一篇文章裡面講得完，但如果你既心態係單純想賺錢既話，一定唔會係可取既心態。

比起”賺錢”，”建立增長型既投資組合”會更係好既心態起步點。如此，你唔會再打算靠一隻股票一夜暴富，因為你建立既係組合，唔係一時既賺快錢。做止蝕、清出有不確定因素既股份時不會再猶豫不決，因為你會從組合整體是否穩健的角度出現，你更希望清出一些會對組合產生不良影響的股票，而不會為了不想”認輸”，緊抱著大勢而去的股票。

背後好處不一一列出，而且上面心態只係一個例子。但此由你可以見到，背後的發起思維／心態既轉變，會大大影響思考的方式，從而改變你的決定和行動。因此，好的投資心態是成為成功交易者既基本條件。

Y先生交易室會不時在 Facebook 專頁分享更多既投資心法同經典例子，希望可以影響到更多人，即使係每日波動上落既股市，停一停落黎，反思一下自己每個交易背後既心態，調整後成為一個更好的股票交易者，更好咁利用手上既資金進行投資。

你又點解會買股票呢？歡迎大家係下面分享你既心態。