戶口短時間內蝕左超過 15％，應該點重整組合？應該點調整心態？

戶口短時間內蝕左超過 15％，呢個情況正正就發生係呢個blog 既模擬組合 － Y 先生の倉。由於初建倉之時正值電力股強勢，所以係較高既位置買入左唔少電力相關股份。及後電力股份突然失去動力，引致組合短短一個多月內蝕左大約15％： （倉位截圖於03／11／2021）

所有股票交易者，有都機會遇上短時間內大量虧蝕。如何處理呢啲情況正正就係成功同失敗既交易者最大既分別。

想要成功咁“翻生“，由負變番正，第一步就係要由心態調整開始。首先心態絕對唔可以處於係輸家既狀態，心裡面唔應該想著要快啲賺番啲。相反應該要從零開始，拋開目前既蝕錢既心態狀態，按番況市同自己手頭上既資金，重新制定一個投資策略。投資策略亦唔應該過份進取，應以重建穩定賺錢為目標，唔好諗住一次過買入大量既股票，係輸錢既心理壓力下咁做，多數只會蝕得更多。

如果真係感覺到自己好難理性咁去分析股票﹑重新部署，或者心裡面都仲係好想一次過大額投資盡快回本既話，咁你好可能需要暫時離開股市，直至無左心急要賺番失左去既金錢為止。

仲有一個客觀既指標可以睇到你而家係唔係處於一個正常既狀態。就係係遇上大蝕錢之後，留意下自己既交易次數。正常黎講，應該會要比你自己平時平均既交易次數更少更少。相反，如果你既交易次數反而增多既話，咁好可能你仲係處於一個心急既狀態，建議暫時離開股市。

如果你係下次出現大重挫時可以做得晒為上既野，如果本身自己交易既成績都唔錯既話，相信你戶口將會好快重回正軌。